釜之魂釜飯專門店 (淘大商場) (已結業)

上次經過呢間鋪食過一次lunch set之後一直念念不忘好想再嚟食，今日終於約左朋友去九龍灣有機會去呢間嘢啦。因為係夜晚時段，又係星期六都要等一陣先有位, 今次我就叫咗個厚燒鰻魚釜飯而朋友就叫咗個五花豚肉釜飯，仲叫個黑松露厚燒玉子做小食 主菜未上已經喺四周圍聞到好多釜飯嘅香味 令人滿心期待，小食嚟先，個厚燒玉子唔夠熱同埋好乾，感覺上好似係普通超市買嗰啲玉子叮返熱咁再鋪多層黑松露醬喺面就算，黑松露醬係黑松露溝沙津醬，沙律醬嘅味蓋過咗黑松露醬嘅味 唔好食 主菜嚟到 一打開個蓋d香味就迎面而嚟，鰻魚好厚食落好軟熟，用鰻魚汁烤過外層嗰層好有焦香，配合埋日本嘅珍珠米，簡直係天作之合好好食一啖一啖話咁快就食晒但鰻魚比menu入面既相細塊, 個人覺得唔係好抵食 朋友話d五花豚肉似燒過嚟, 外層詭詭地入面軟熟，脂肪比例適中好有口感，仲有半隻用汁浸煮過既蛋添 好足料好抵食