北海道十勝豚丼 (已結業)

係呢個商業大型傢私店買完嘢，拎住大袋小袋，唔想行咁遠開飯，好自然係呢個場搵食！係十樓有幾間食店,竟然重遇呢間豬扒飯店，雙腳不由自主行入去！係豬肩狹同豬扒飯權力交戰下，最後點左厚切豬扒飯，要埋套餐，包前菜及麵豉湯！醬汁三款之中點了網燒汁，味道帶甜，可以要求加汁,無論點豬扒及用黎撈飯都好好味！豬扒肉質唔嚡口同唔乾身，無肥膏我鍾意，一口咬落去有少少嚼口，果然係好受歡迎！唯獨唔太夠熱，再熱d肯定味道會仲好d！回頭率都高！