家賀屋

晚市有得叫定食，大概係單點食物嘅價錢加多$30，就會有沙律、茶碗蒸、湯，茶碗蒸嘅材料幾豐富，有大大粒冬菇、蜆肉等，湯仲要係三文魚頭湯，感覺上加錢轉套餐係值得嘅～姬路刺身定食🍣刺身有5款，三文魚、油甘魚全部都係大大塊，超級厚切，依度一塊刺身就相當於出面壽司店嘅兩塊咁，份量絕不吝嗇，中拖羅亦都好肥美，唔覺有筋位，整體都好新鮮👍花魚一夜干定食🐟花魚一夜干可以揀一條或者半條，燒得好香又唔會過火，連幼骨都燒到少少脆口！法國斯朗生蠔係N1 size, 算係偏大隻，係比較清爽鮮甜嗰type🦪除咗定食，我地仲叫咗一啲小食送酒，唐揚日本池魚嘅炸皮好薄，食落覺得係啖啖肉，連魚頭食埋都唔覺腥🥢蘋果燒酎🍎