影片
更多
2023-04-01
486 浏览
每次食Omakase睇到師傅用心咁準備美食真係好享受，而且每間餐廳都有自己既特色同風格，每次都有煥然一新既感覺🥹 今次黎到人氣十足既「鮨逸」大快朵頤，只需$1,580已經享用到25品高級矜貴料理😍 有龍蝦﹑生蠔﹑海膽、毛蟹等。同其他餐廳唔同，鮨逸用量大方，每片魚生都勁厚切，一勺勺海膽絕不手軟，CP值極高✅✅✅餐廳裝潢行日系和風，簡約優雅，室內燈光昏暗，頗有情調。食Omakase當然少不了吧枱，客人可以近距離欣賞師傅表演👨🏻🍳 賞心悅目。晚市有兩個Omakase set，分別係「逸」 $1,580享用25品料理﹑「姬」 $1,380享用16品料理。今次揀左「逸」套餐，包括刺身﹑酒肴﹑壽司﹑湯品同甜品，用餐時間大約2.5小時⏱🎣𝑺𝒂𝒔𝒉𝒊𝒎𝒊 | 刺身➊ 沖繩水雲配松葉蟹肉 ‧ 水雲同蟹肉拌上柚子酸汁，口感清新，頗為醒胃。➋ 螢光魷魚 ‧ 來自日本富山，正值當造，質感滑溜，伴以薑汁提味，新鮮甘甜。➌ 水母刺身 ‧ 晶瑩通透，爽口有咀嚼感，伴以柚子酸汁。➍ 喜知次刺身 ‧ 來自北海道既矜貴食材，肉質細嫩，可按自己喜好添加檸汁。➎ 間白魚 ‧ 薄切間白魚卷住海膽豆腐，魚肉清爽，中和海膽既濃味
餐廳裝潢行日系和風，簡約優雅，室內燈光昏暗，頗有情調。食Omakase當然少不了吧枱，客人可以近距離欣賞師傅表演👨🏻🍳 賞心悅目。晚市有兩個Omakase set，分別係「逸」 $1,580享用25品料理﹑「姬」 $1,380享用16品料理。今次揀左「逸」套餐，包括刺身﹑酒肴﹑壽司﹑湯品同甜品，用餐時間大約2.5小時⏱
🎣𝑺𝒂𝒔𝒉𝒊𝒎𝒊 | 刺身
➊ 沖繩水雲配松葉蟹肉 ‧ 水雲同蟹肉拌上柚子酸汁，口感清新，頗為醒胃。
➋ 螢光魷魚 ‧ 來自日本富山，正值當造，質感滑溜，伴以薑汁提味，新鮮甘甜。
➌ 水母刺身 ‧ 晶瑩通透，爽口有咀嚼感，伴以柚子酸汁。
➍ 喜知次刺身 ‧ 來自北海道既矜貴食材，肉質細嫩，可按自己喜好添加檸汁。
➎ 間白魚 ‧ 薄切間白魚卷住海膽豆腐，魚肉清爽，中和海膽既濃味。配上鹽水蘿蔔蓉一齊食，味道剛好。
➏ 龍蝦刺身配海膽 ‧ 新鮮龍蝦由水箱捉出黎，師傅即劏成刺身，非常新鮮！龍蝦肉晶瑩通透，滑溜爽口，頂層添左蝦膏﹑白海膽﹑黑魚籽，精緻又高質，誠意之作！
➐ 北寄貝 ‧ 新鮮即開北寄貝，肉身飽滿，入口爽脆鮮甜，加左新鮮山葵提味。
➑ 赤身 ‧ 醬油漬赤身非常厚切，捲上海膽，味道鮮甜，加以金箔﹑芽蔥點綴。
🍣𝑺𝒖𝒔𝒉𝒊 | 壽司
➒ 赤貝：肉身飽滿，色澤亮麗，切上花紋好靚！師傅拍打後令肉質收縮，新鮮爽脆。
➓ 吉備奈子 ‧ 屬於銀帶魚，食落清淡，有少少回甘。
➊➊ 鰤魚 ‧ 大片厚切，肥美鮮甜，頂層加左用青椒整成既漬物，中和油膩感。
➊➋ 白見貝 ‧ 師傅拍打貝後更加爽口，掃上青汁更能提升鮮味。
➊➌ 花竹蝦 ‧ 師傅專登拎將未開殼既花竹蝦比我地睇，保證新鮮！蝦燒至一成熟，灑上柚子皮提味。然後高溫油炸蝦脚，入口酥脆。
➊➍ 赤鯥 ‧ 新鮮肥美，同樣非常厚切！輕微火炙過後逼出油脂，係口腔中溶化！
➊➎ 拖羅手卷 ‧ 火灸後用紫菜包起，加上香葱﹑芝麻，紫菜爽脆加拖羅肥美甘香既口感簡直絕配！
🦐Otsumami | 酒肴
➊➏ 磯粒貝 ‧ 口感扎實，有咀嚼感，帶有醬汁香氣，非常入味。
➊➐ 牡丹蝦 ‧ 產自北海道，肉身肥美，味道鮮甜，用花雕酒浸泡一晚，散發濃郁獨特酒香。最正係蝦頭，蝦膏豐腴，啖啖滋味。
➊➑ 生蠔 ‧ 產自日本長崎小長井，蠔肉豐滿，配以柚子啫喱，入口清甜。
➊➒ 紫海膽 ‧ 原粒日本紫海膽，產自日本北三睦岩手縣，加入大量三文魚籽﹑高湯啫喱，賣相非常吸引，鮮味滿佈口中！味道同馬糞海膽唔同，紫海膽味道清甜帶有少少回甘，肉身非常厚，口感細膩。
➋⓿ 磯煮鮑魚 ‧ 南非鮑魚經4小時慢煮，口感軟腍，加以蟹膏汁調味，味道更濃郁香口。
➋➊ 魔鬼魚面頰肉天婦羅 ‧ 炸粉薄脆，魚肉口感滑溜，用天婦羅做法幾有特色。魚肉醮上紫菜高湯醬汁，輕輕提味更滋味。
➋➋ 蟹膏豆腐 ‧ 軟滑嫩口，加左松葉蟹肉﹑黑魚籽更顯矜貴，口感豐富。
➋➌ 毛蟹 ‧ 師傅將原隻毛蟹拆肉，心思之作！蟹肉蟹膏完美攪拌一起，啖啖蟹香好鮮甜。
➋➍ 白海膽鱈魚乾 ‧ 再次食海膽！今次係日本最貴﹑最靚既白海膽，滿滿海膽肉份量超多！頂層灑上淡雪鹽提味，配上脆口鱈魚乾，好有層次感。
➋➎ 鯛魚清湯 ‧ 最後黎一道熱湯暖胃。以鯛魚﹑日本猴頭菇熬製，湯頭清澈，味道鮮甜，仲有完整一塊鯛魚肉，真材實料。
🍨𝑫𝒆𝒔𝒔𝒆𝒓𝒕 | 甜品
➋➏ 玉子布甸 ‧ 用上日本雞蛋焗一小時，入口滑溜，蛋味濃郁。
➋➐ 士多啤梨天婦羅配焙茶雪糕 ‧ 來自福岡既士多啤梨非常清甜，用鹽﹑煉奶炸成天婦羅，外熱內冷，非常有特色！而焙茶雪糕茶味濃郁，頂層加左紅豆，賣相精緻。
呢餐Omakase食左勁多貴野：龍蝦﹑生蠔﹑毛蟹﹑白海膽﹑紫海膽﹑鮑魚……每道都係心思之作，完全值回票價🥳 服務亦值得一讚，師傅用心介紹，店員不時過黎添水收碟，細心位加分💯❗️
张贴
