瀛豐放題料理專門店

本身鍾情泰國食物同刺身，依度就有齊兩種，我最鍾意嘅嘢食，所以成日嚟呢度開餐㗎！一坐低唔使講嘢，梗係整返個刺身拼盤同埋生蠔拼盤先啦！呢度嘅刺身食落味道好鮮甜，即開生蠔🦪夠晒新鮮，升咗級之後生蠔係任食任叫，絕對會本之選！除咗生蠔之外，特大巨型牡丹蝦都係必食項目，甜到入心嘅口感再配埋巨咪身形，真係太滿足！帶子海膽亦係人氣之選，甜到漏嘅巨型帶子包住海膽，將海膽嘅鮮味發揮到淋漓盡致！日式食物之中，老公仲好鍾意食呢度嘅原條穴子壽司同蟹肉蟹膏軍艦，出邊都唔平，每次嚟到呢度都盡情食！我就鍾意食呢度嘅生菜包同埋燒巨型帆立貝，生菜包辣辣地夠嘢味，大大粒帆立貝bonus有埋大肚仔，我最鍾意咬落去大肚仔嗰種軟糯質感，配埋蒜蓉醬勁好味！仲有仲有燒三文魚都真係要食，又香又軟又滑仲會流出三文魚油，食完成個嘴都香噴噴！自助區仲有大量日式小菜、多款角色汽水特飲、當然唔少得餐後嘅雪糕同埋甜品啦！