大瀛喜日本料理 (已結業)

同朋友行街嘅時候即興想食放題🤣，於是就早啲去食，咁就可以唔洗等位啦～👻我地5:30入座果然未係好多人，拎野飲雪糕都方便啲，亦都坐得舒服過peak hours😆-等野食黎嘅時候去左睇定有咩雪糕食😋 雪條雪糕口味選擇真係幾多😍，雪米糍係必備嘅! 個人比較鐘意雲呢那x士多啤梨呢個味，入面有果蓉架❤️ 而呢度亦有充滿童年回憶嘅牛奶樂同紅豆雪條～-刺身選擇算多～ 要讚下個擺盤好靚xd，而更重要嘅係刺身嘅色澤都好靚😍 味道亦無令我地失望！每款刺身都夠哂新鮮🐟-炙燒系列比較推介炙燒蟹棒壽司同炙燒三文魚壽司! 蟹棒聽落普通，但係沙津醬同炙燒呢個配撘令味道添色不少😊 炙燒三文魚口味軟柔，調味相宜，大讚!-炸物方面推介炸芋丸，口感煙韌，芋泥亦夠幼滑😚 炸蠔都唔錯呢~~-卷物都幾令人驚喜，尤其鍾意鰻魚芝士卷❤️ 兩樣食材嘅囗感好match，鰻魚嘅甜味同芝士嘅鹹香配合起嚟絕對無得輸😋 另外見到有泡菜卷，於是都忍唔住試下，雖然略嫌啲飯比較實，但係都幾開胃架👻-食到滯嘅時候當然要order燒菠蘿啦~ 呢度嘅菠蘿夠晒清甜😆👍🏻 芝麻豆腐係另一個消滯之選😚 味道清新又開胃，值得一試!