燒蝦蝦 (興泰大廈) (已結業)

之前同朋友講過想試下玩流水蝦，但因疫情一直冇機會去，等到終於放寬堂食，一定要報復式咁瘋狂食海鮮🥳一入到去，環境好大好光猛，自選區域直頭係成個魚市場咁，有啲去咗旅行嘅感覺，超興奮😆喺枱嘅隔離有個水缸，入面好多大頭蝦🦐 睇中邊隻就可以夾佢上嚟，放入冰桶整暈佢先再剪腳，跟住就可以放上爐燒～喺度想讚一讚餐廳嘅店員，因為我哋第一次玩流水蝦有少少雞手鴨腳，佢哋好有耐性咁教我哋釣蝦嘅竅門同燒製嘅秘訣👍🏻 用咗少少時間，我哋掌握到喇，成功釣到幾隻跳跳扎嘅蝦，好有成功感，哈哈。蝦肉爽甜飽滿，落少少調味就已經好好食。螺肉鮮嫩味濃，鮑魚扎實肥美，係我最愛😋總結：燒蝦蝦放題呢個價錢有咁多款嘢食，款式應有盡有，海鮮質素又高，真係好抵食！