蝦蝦燒

营业中

休息中

之前都已經聽過朋友介紹呢間蝦蝦燒幾好食，會有魚缸養住d 蝦，可以自己夾起d 蝦黎燒，所以d 蝦包保新鮮生猛！另外呢度仲有好多款海鮮選擇，啱晒鍾意食海鮮嘅朋友😍枱面仲有d 味粉俾大家加落串燒到。🟥海鮮類啲蝦大大隻，蝦頭好多膏又鮮甜！店員有解釋俾我哋聽，啲鮑魚唔可以連殼煮，因為有機會爆汁，好體貼！生蠔都好鮮甜，特別推介蜆類，無沙又甜。🟧肉類雞翼有土匪同蒜蓉味，仲有雞全翼可以揀。另外仲有牛肉串、牛仔骨、羊肉同羊架可以燒。特別推介雞軟骨，好香口，好好食。🟪丸類丸類有蟹籽丸同埋芝士丸，仲有漢堡扒同埋台灣腸，款式好多選擇！原來燒漢堡扒係好好食架！🟧蔬菜類蔬菜都好多選擇，有南瓜、原條茄子、翠玉瓜同埋番薯仔等等。個人最鍾意燒嘢食嘅時候燒番薯仔，細細粒唔會濟又夠晒甜。呢度好闊綽，可以成條茄子咁樣燒架，仲有燒菠蘿同窩夫，比較特別。🟩熟食呢度仲有少量嘅熟食可以揀，有醉蝦、咖喱魚蛋、豬紅同埋麻辣等等。等緊燒嘢食嘅時候，可以食住啲前菜先。🟪呢度甜品同埋嘢飲都係任飲任食，連啤酒都可以揀呀！岩哂一大班朋友過嚟吹水飲啤酒。