我地好肚餓，一坐低就劃點心紙，就算星期日都有啲特價嘅點心，點心因為係即叫即蒸，所以要等一陣，不過其實都唔會等太奈。
茶煲蝦餃皇（4件）
黎飲茶就係要食蝦餃燒賣，蝦餃大大隻，蝦餃皮薄透明，帶有筍味增加口感。
炸脆奶卷（3件）
熱辣辣很滋味，外邊脆口，奶味香濃，而且很滑身，奶不會太甜，食完唔會膩。
喜灼菜心
食返碟菜健康啲，菜心新鮮翠綠，兩個人食啱啱好。
蟹籽燒賣（4件）
呢款係孖寶系列，依然有4粒燒賣，好抵食，燒賣豬肉爽口，仲有冬菇同蟹籽很香口。
煎釀虎皮椒（三件）
呢款係孖寶系列另一款，虎皮椒煎得香脆，微辣非常開胃。
高湯罐湯餃
好似好奈冇食罐湯餃，朋友話叫一個share黎食，啱啱蒸起夠哂熱，湯餃皮薄餡多，湯底鮮甜。
呢度茶錢11蚊都幾抵，係街坊價，食飽我地就出發行山了。
