椈 (已結業)

位於中環蘭貴坊嘅「椈」居酒屋，主打即叫即燒日式串燒，餐廳裝潢幾有和風感，坐係吧枱一邊望住師傅燒串燒一邊傾計好好feel。 ☺️煙三文魚沙律 🥗沙律份量幾多，蔬菜同車厘茄好新鮮，醬汁係用柚子醋加胡麻醬，酸酸地好開胃。 串燒燒牛舌: 牛舌幾厚身有咬口，食落有啲蒜香味，調味剛好。燒鰻魚: 燒到外層脆身，魚油好夠，加埋甜甜鰻魚汁，正。😌燒一夜干手羽: 呢個大推，雞翼醃得好入味，仲要燒到雞皮脆卜卜，雞油滿滿好香好味。👍👍燒豬頸肉: 燒到表面金黃帶點焦脆，食落有啲脂肪好香口，口感亦唔錯。😋 燒明太子配青瓜 燒過嘅明太子口感比較豐富，食落咸咸香香，配埋青瓜片一齊食又有份清新，呢個好啱送酒。 炸物拼盤拼盤有炸池魚、炸雞軟骨同炸芝士粒。炸雞骨幾大粒，而炸芝士好香濃，芝士味非常濃郁，3款我都鐘意。😆 海膽醬撈烏冬店員話呢個係新菜式，烏冬好煙韌，配料有洋蔥、菇類等，而海膽醬幾稠身，味道偏甜，幾有趣！ 😛另外仲點咗支300ml小清酒，呢個size啱哂想小酌嘅我地，同埋餐廳個甜品海鹽雪糕最中餅都好好味呀。😋😋好滿足呀！