叁淥火鍋 (已結業)

近排唔知做咩成日不惜搭長途車入元朗食飯！😅呢間店係第二次嚟，上次試咗一人一爐火鍋午餐，今日試埋佢哋嘅川式小炒。叫咗呢個「四川回鍋肉」套餐，$58 + $2 凍飲。回鍋肉係新鮮即叫即炒，上枱大大碟，熱辣辣香噴噴令人食指大動！ 五花腩肉帶皮，甘香腍滑得嚟又有煙靭口感，配菜清甜爽脆。而且，原本以為回鍋肉係辣嘅，點知原來一啲都唔辣，怕辣嘅朋友都唔怕。不過可能四川嘢係習慣用得油多，所以食到底就好多油，不過都好好味，值得一試。