CHUTNEY

又到左每個星期最期待的星期日，去完大堂望彌撒，行埋大館就去搵嘢食，一行出大館有間印度野，朋友話幾好食，就上左去了印度式炒蜆第一次食印度食嘅炒蜆，鍾意食印度嘢嘅係因為印度係香料王國，香料味非常香濃，有少少辣又有少少甜，唔識形容嘅香辣味道，但係又好開胃食唔停口，係好開胃嘅前菜！炭火烤羊架羊架燒得恰到好處，食得出又炭火的味道，火候掌握得好好，裏面熟得來，而且好多肉汁，外面就有炭火燒到脆卜卜，係非常高質嘅炭燒羊架！加上有印度式嘅香料同埋青檸，令味道更加豐富！咖喱牛肋肉重點不在牛肋肉，而是在印度咖喱！有好多洋蔥蘿蔔等等香料，味道非常豐富！牛肉啖啖肉肉！食到停唔到口！食印度咖喱一定要配印度薄餅叫咗蒜蓉薄餅，剛剛燒好，煙煙韌韌好有口感！想試吓印度菜嘅，呢間食物好高質！