影片
更多
2018-07-19
1168 浏览
今時今日香港地出街食飯， 簡直係眼花撩亂，食盡不少港式嘅外國菜，今次去尖沙咀呢一間素食印度餐廳，帶比我唔少新鮮感，原因「地道」兩字。餐廳嘅裝修普普通通，入到去大多顧客以印度人為主，甚少本地人。而佢哋嘅食物亦都冇遷就香港人， 加入港式菜系。個一日我同我屋企人就叫咗下列嘅菜式，感覺都相當唔錯。雜菜千層煎餅 $75試幻想一下一個咖喱意大利粉，但係所有嘅麵條都係薄餅切絲，配搭上黎嘅口感同味道對於我黎講好新穎，放左落咖喱汁嘅薄餅絲，好有咬感，加上咖喱，每一口都有好刺激嘅感覺，加埋可以點埋啲自制乳酪一齊食，係一度幾開胃嘅前菜。特製薩拉維亞套餐 $90酸辣湯、辣豆、配菜、印度香料、雜菜扁豆醬、特色印度酸咖喱、乳酪、牛油奶、特製鷹嘴豆酸奶、印度煎薄餅、酸瓜同埋甜品。可以話係印度菜嘅大雜燴，一個菜式比你試曬咁多款唔同嘅口味，滿足你不同願望，而入邊嘅款式眼花撩亂，其實我分唔清，但係入邊包括哂甜酸辣，每逢食完一款轉第二款嘅時候， 都帶比味覺唔同嘅衝擊。佢哋啲飯其實係冷飯黎，原因係預咗俾你用手食，雖然係冷飯但係好強米香，而且粒粒分明。旁遮普芝士雜菜咖喱 $75咖喱入邊嘅芝士粒，口感厚實，好唔好食見仁見智，對我
餐廳嘅裝修普普通通，入到去大多顧客以印度人為主，甚少本地人。而佢哋嘅食物亦都冇遷就香港人， 加入港式菜系。
個一日我同我屋企人就叫咗下列嘅菜式，感覺都相當唔錯。雜菜千層煎餅 $75
試幻想一下一個咖喱意大利粉，但係所有嘅麵條都係薄餅切絲，配搭上黎嘅口感同味道對於我黎講好新穎，放左落咖喱汁嘅薄餅絲，好有咬感，加上咖喱，每一口都有好刺激嘅感覺，加埋可以點埋啲自制乳酪一齊食，係一度幾開胃嘅前菜。特製薩拉維亞套餐 $90
酸辣湯、辣豆、配菜、印度香料、雜菜扁豆醬、特色印度酸咖喱、乳酪、牛油奶、特製鷹嘴豆酸奶、印度煎薄餅、酸瓜同埋甜品。可以話係印度菜嘅大雜燴，一個菜式比你試曬咁多款唔同嘅口味，滿足你不同願望，而入邊嘅款式眼花撩亂，其實我分唔清，但係入邊包括哂甜酸辣，每逢食完一款轉第二款嘅時候， 都帶比味覺唔同嘅衝擊。佢哋啲飯其實係冷飯黎，原因係預咗俾你用手食，雖然係冷飯但係好強米香，而且粒粒分明。旁遮普芝士雜菜咖喱 $75
咖喱入邊嘅芝士粒，口感厚實，好唔好食見仁見智，對我來講我非常鍾意，因為芝士濃烈帶騷味，呢一款咖喱味道較強，但係芝士味都唔能夠比佢遮蓋到。印度奶茶
對於我呢個奶茶控黎講，每日一奶茶是常識吧，睇落同港式奶茶冇乜分別，但係未飲之前已經聞到一陣陣班蘭香，飲落箇中香味，從來都未試過，唔洗落糖都容易入口，所以強烈推薦！
呢一餐飯可以話係一個體驗，餐廳嘅印度菜式，俾我體驗到印度地道嘅飲食文化，當然我嗰日都唔係用手食。所以鍾意嘗試新事物嘅人應該試吓呢一間餐廳，會有新嘅驚喜！
张贴
