班蘭葉印尼餐廳

营业中

休息中

銅鑼灣糖街個邊有唔少嘅印尼餐廳、印尼雜貨鋪同埋換印尼盾嘅找換店，所以系個邊食印尼野都會比較正宗，今日就去左間小店「班蘭葉印尼美食」試試印尼菜。《牛骨白鬚牛丸湯》$88一上枱就覺得碗湯麵好大碗，細心d再睇睇，相當足料，有4粒正常size嘅牛丸，同埋1粒巨size嘅牛丸連牛骨。正常size嘅牛丸味道好唔錯，肥瘦適中，而且有彈牙。巨size牛丸連牛骨好得意，系一舊牛骨外層包住牛丸，有少少似炸蟹鉗，啖啖肉，可以滿足到食肉獸。《特色印尼炒飯》$88印尼除左撈麵，炒飯都好出名，通常都會有蝦片、雞串、同剪蛋配呢個炒飯。呢度炒飯隻蛋系我最愛嘅燶邊煎蛋，流心嘅蛋黃汁配埋用甜豉油、蝦米炒過嘅飯，非常之惹味。《大蘑菇沙嗲三吋》$58蘑菇燒得好Juice，加埋沙嗲醬食，估唔到都幾夾，而沙嗲醬都好特別，入面有少少香茅味，好有印尼嘅風味。《龍眼冰》$30 《箭葉果混吉蜜》（凍）$33龍眼冰好清甜滋潤，而且有唔少龍眼肉，可以食埋當飯後果解膩。箭葉果混吉蜜里面有唔同嘅檸檬、柑桔，酸酸甜甜，好岩夏天飲，消暑解渴。