Gioia by Chi (已搬遷) 新店位置

好多人都知九龍城多好嘢食，但其實唔洗講到成個九龍城，單單一條南角道都已經有好多出名嘢食，足夠一日食四餐好嘢! 早餐當然是去添財記食超綿嘅白粥啦，午餐就去譚點食創意點心，下午茶時間去Gioia by Chi 食件靚cake，夜晚就去泰式燒王食燒烤、飲泰啤! 爽呀! 今次來到南角道，主要係試下新南角道孖寶 : 譚點+Gioia by Chi。 喺Gioia by Chi即場試咗件Raspberry Ivory，外賣咗隻綿羊仔波板糖! 靚cake不嬲都唔平，不過偶爾食，氹自己開心，是ok嘅! Gioia by Chi 雖然無堂食座位，但店員禮貌地說我可以在店內一角立食，我覺得ok呀! 相比天后果間T字頭餅店，要我偷偷地去大快活食cake好好多了!Raspberry Ivory又靚又好食，而隻綿羊仔波板糖就一般好食啦，店員用盒裝比我攞走，雖然我好唔捨得食隻綿羊仔，但最終我都食咗，隻綿羊仔裡面係流心朱古力，一粒粒珍珠色嘅就係脆米!九龍城靚餅店嘅競爭越來越大，我撐Gioia by Chi呀!