佳餚小廚 (已結業)

依個food court只會係平日lunch先多人，都唔知佢地有冇得賺。黎到先買飛再等叫號碼，通常食中式午飯，但獻汁比較濃，有時或會多油，不過30蚊有湯有茶已算好好。想要食多d飯，就要叫日式大碗飯，因為份量較多，味道OK！不過較好食既係意粉，無論白汁定茄汁都整得唔錯，不過唔會好大碟，而且唔好叫辣汁，好似加左五香肉丁d辣油，好肥膩！另外個雜菜湯又係辣既，而且好難飲！個food court係玻璃天幕底下，間中有雀仔飛過。最驚個商場成日播"始終有你"首歌，好鬼煩，仲慘過聽到d阿姐大叫號碼！有一d單腳餐桌好唔穩陣，好危險。數碼港唯一平價之選，已好過轉手之前。