影片
更多
2023-01-29
90 浏览
臨近晚餐時間咁啱途經朗豪坊， 係時候搵個地方醫下肚仔～見呢間西餐廳環境相當有格調，食物選擇不少，仲有半自助餐提供，一於入去試下佢。行入去就見到自助餐主要分為三部分：沙律吧麻雀雖小五臟俱全，基本嘅冷盤，例如蝦、青口、蜆肉，凍肉同芝士，各類特色沙律通通都包括，味道亦唔錯。甜品區有不少選擇，今次去就有提拉米蘇、芝士蛋糕、牛奶布丁等，甚至連司康都有，製作絕不馬虎。最後，仲提供自助飲品吧，提供適量果汁同餐湯，客人可以自由添選。坐低發現原來佢係Mr. Steak旗下嘅餐廳，相信牛扒一定有返咁上下水準，決定先叫一份極黑和牛板腱扒配法國拉克萊特熔岩芝士，另外仲跟埋紅白酒，性價比無得彈。上枱嘅時候，店員拎住一磚半融芝士，慢慢倒係牛扒旁，味道好香醇芳郁，未食已經有嗅覺同視覺享受。牛扒今次叫咗五成熟，廚師將火候掌握得剛剛好，外帶焦香內鮮嫩含肉汁，好軟淋，濃郁嘅牛味加上少許香氣十足嘅芝士，再沾上鹹香醬汁一齊食，係極致享受。朋友係食肉獸，所以今次另一份叫咗美式BBQ豬背骨。做法同平日常見嘅豬肋骨差唔多，味道同樣鹹中帶甜，醃製得好滋味。唯一分別，就係佢啖啖肉，連骨位好厚身，切開一絲絲豬肉，完全唔會乾柴，豬味亦好濃
臨近晚餐時間咁啱途經朗豪坊， 係時候搵個地方醫下肚仔～見呢間西餐廳環境相當有格調，食物選擇不少，仲有半自助餐提供，一於入去試下佢。
行入去就見到自助餐主要分為三部分：沙律吧麻雀雖小五臟俱全，基本嘅冷盤，例如蝦、青口、蜆肉，凍肉同芝士，各類特色沙律通通都包括，味道亦唔錯。甜品區有不少選擇，今次去就有提拉米蘇、芝士蛋糕、牛奶布丁等，甚至連司康都有，製作絕不馬虎。最後，仲提供自助飲品吧，提供適量果汁同餐湯，客人可以自由添選。
坐低發現原來佢係Mr. Steak旗下嘅餐廳，相信牛扒一定有返咁上下水準，決定先叫一份極黑和牛板腱扒配法國拉克萊特熔岩芝士，另外仲跟埋紅白酒，性價比無得彈。上枱嘅時候，店員拎住一磚半融芝士，慢慢倒係牛扒旁，味道好香醇芳郁，未食已經有嗅覺同視覺享受。牛扒今次叫咗五成熟，廚師將火候掌握得剛剛好，外帶焦香內鮮嫩含肉汁，好軟淋，濃郁嘅牛味加上少許香氣十足嘅芝士，再沾上鹹香醬汁一齊食，係極致享受。
朋友係食肉獸，所以今次另一份叫咗美式BBQ豬背骨。做法同平日常見嘅豬肋骨差唔多，味道同樣鹹中帶甜，醃製得好滋味。唯一分別，就係佢啖啖肉，連骨位好厚身，切開一絲絲豬肉，完全唔會乾柴，豬味亦好濃郁。另外仲配上沙律、大肉腸、薯菜，份量一啲都唔吝嗇，值得一試。
张贴
