瀛舍 (已結業)

好耐無見中學fd了，個fd話想食放題，突登由藍田黎呢邊食><而個朋友係大埔放工過黎敍舊。係樓上鋪，10樓，位置有一層樓，環境十分舒適，座位亦很寬敞，兩人都給了四人座位，好正👍食日本放題梗要點三文魚刺身，三文魚紋路條理，肥瘦都均勻厚切，點埋醬油同wasabi，是個歡樂時光，不錯的享受。另外點了油甘魚、甜蝦同北海道帶子刺身。甜蝦好清甜新鮮，滑溜溜，一啖一隻^_^ 而且衛生乾淨~之後壽司食了美人魚壽司同黑松露三文魚腩壽司。美人魚壽司聽個名好得意，所以點了。可惜沒有驚喜 只有笑點...因為只是在三文魚上而加了條甜蝦.哈哈哈，和朋友都笑了。而黑松露魚腩壽司的魚腩滑滑的，肥肥地，紋理清晰易見，上面擺了些少黑松露，更突顯了三文魚的爽口，刺激味道和口感。火灸壽司我地點了澳洲和牛、醬燒松葉蟹棒同埋醬燒三文魚腩。醬燒松葉蟹棒火灸壽司真係好好食，值得一提><><它的蟹柳是燒過的，好香，好特別。之後有點炸物，紫薯餅最為特別，以為得麥記先食到紫薯的食物（雪糕），想不到食放題也有，紫薯餅入面裝滿了紫薯， 而我最為中意食既係軟骨，外面炸過，炸到金黃色，脆脆的，好爽口。