S2 鐵板燒 (已結業)

先分享一段小插曲，一個月前喺openrice訂枱，註明為朋友慶祝生日，竟然當日到達食店前廿分鐘收到食店職員電話，話因為太好生意，賣淨鮑魚餐，問我介唔介意，如果介意可以取消booking，但我臨時臨急諗唔到同朋友改去邊度食生日飯，唯有照去。所以如果真係想食某個餐，訂枱時註明會安全啲。鮑魚餐原價$680，午市優惠半價$340連原價加一$68，即係每位$408，都抵食。青檸花旗參茶，味道幾特別，感覺清新。沙律冇特別，合格。刺身解凍程度剛好，新鮮個人覺得西京醬太鹹，銀雪魚鹹咗少少。鮑魚釀入去骨雞翼再用牛肉卷起，三樣食材煮熟嘅時間需時唔同，但有處理得好好，有心思，好味芝心和牛漢堡扒，好味，但食咗一件已經飽。蟹膏炒飯好味過鵝肝炒飯焗什菌好香牛油味，飽都要食。好彩個湯唔係好鹹，花膠蜆湯係搵唔到花膠甜品係雪糕泡芙結論，$408一客鐵板燒係好抵又好食，一人食一客可以飽到夜晚，可以再去。