影片
更多
2023-07-01
620 浏览
#搞串個pantry講到香港地道麵食🍜，可能會諗到常見嘅車仔麵🛒、豬潤麵🐷，或者茶餐廳嘅沙嗲牛肉麵。今次就同大家食另一種麵食，就係#油渣麵 啦！！油渣即係豬油渣😎，豬油渣即係一啲經過烚一烚，再油炸，搾油後嘅肥豬肉🤯。一入到舖頭，就有豪爽嘅姨姨👩🏻💼大聲問要大麵定細麵。因為成間店，主食就係得油渣麵😉，所以一入嚟，就會問要大定細嘅油渣麵。咁我哋就叫咗兩碗大麵($36)、4隻雞翼($20)🍗。油渣麵用咗粗嘅上海麵😋，除咗有豬油渣，仲有4粒小冬菇、葱🌱，同埋菜脯。呢度嘅豬油渣數量都幾多🤩，有肥有瘦，可以食到唔同口感。同時，炸到好脆口🔥，不過就有啲油嘅臭味。而小冬菇好好食，事先有炆過，好入味。唯獨係菜脯無得自己加就有啲可惜😖。雞翼就煎得啱啱好，唔會燶之餘，邊位仲有啲脆身😚。而平身雞翼有醃過，味道都幾好。舖頭地點的確有啲唔方便，如果大家經過可以去食下啦😜。
講到香港地道麵食🍜，可能會諗到常見嘅車仔麵🛒、豬潤麵🐷，或者茶餐廳嘅沙嗲牛肉麵。今次就同大家食另一種麵食，就係#油渣麵 啦！！油渣即係豬油渣😎，豬油渣即係一啲經過烚一烚，再油炸，搾油後嘅肥豬肉🤯。
一入到舖頭，就有豪爽嘅姨姨👩🏻💼大聲問要大麵定細麵。因為成間店，主食就係得油渣麵😉，所以一入嚟，就會問要大定細嘅油渣麵。咁我哋就叫咗兩碗大麵($36)、4隻雞翼($20)🍗。
油渣麵用咗粗嘅上海麵😋，除咗有豬油渣，仲有4粒小冬菇、葱🌱，同埋菜脯。呢度嘅豬油渣數量都幾多🤩，有肥有瘦，可以食到唔同口感。同時，炸到好脆口🔥，不過就有啲油嘅臭味。而小冬菇好好食，事先有炆過，好入味。唯獨係菜脯無得自己加就有啲可惜😖。
雞翼就煎得啱啱好，唔會燶之餘，邊位仲有啲脆身😚。而平身雞翼有醃過，味道都幾好。
舖頭地點的確有啲唔方便，如果大家經過可以去食下啦😜。
张贴
