花木日本料理 (已結業)

有次發現openrice食評有人介紹這間餐廳有午餐買－送－優惠，於是約埋同事今日一齊去試下，原本以為要在openrice訂座才有這優惠，但原來電話訂座也可以享有這優惠呢！買－送－優惠當然以最平價錢送，所以我地四人都叫同一樣價錢嘅午餐，並要加一，而送的那個餐也要以正價加一。餐廳環境好闊落優靜，成個用餐過程都好舒適我地叫了:花木魚生丼 套餐＄98包括有煙鴨胸沙律，沙律菜新鮮，鴨胸好食漬物面豉湯有日本菇同海帶，不會太咸蒸蛋入口香滑，材料豐富有蝦仁，蟹柳，雞柳及白果等魚生丼（有同事不吃三文魚所以換走了－個，改以白身魚代替） - 賣相吸引魚生新鮮有咬口，還有日式卷蛋厚身有口感，冬菇片香及青瓜清新不過赤色醋飯略嫌偏酸咖哩吉列黑豚肉定食＄98 - 包括有鴨胸沙律，漬物及面豉湯。咖哩味好香濃拌白飯－流吉列黑豚肉炸得鬆脆可口，不會太油膩還有半隻滑流的糖心蛋用左優惠加埋－每人都係＄59，咁高質又超值的午餐去邊到揾呀茶餐廳都唔得啦！