Ruby Tuesday (世貿中心) (已結業)

今日同同事食部門飯佢哋話喺ruby tuesday嗰度嗌午餐有買一送一，所以我哋今次就一行八人諗住嗌四個餐就可以有半價 。點知原來係最平嘅四個先至係免費，所以其實除番埋每人79蚊， 都算抵食 抵食。 白湯呢到係白湯加雞肉湯味道都唔錯而且仲有一嚿香草鬆餅，香草鬆餅偏乾身同埋凍所以就味道一般。湯就唔錯 ，之後主菜就嚟因為我同同事一齊食所以我就食咗兩款一款係雞扒意粉，雞扒煎得一般，所以感覺上冇乜燶嘅味 ，意粉都係用白汁煮就感覺上好似太多白汁啦 。另外一個係白汁芝士雞肉長通粉 ，芝士味勁重，其實味道幾好食 ，但係都係又係白汁原因好似感覺上好多嘢都係白汁煮出嚟咁樣。 飲品我哋嗌咗特飲 檸檬特飲， 原來仲有唔同嘅味道同事飲咗杯藍莓同埋士多啤梨都覺得好好味 ，而我就叫咗一個普通味味道，都唔算話好甜同埋都有檸檬同埋梳打香， 不過要加十八蚊先至有就比較貴。