餃掂手工餃子雲吞專門店

营业中

休息中

過開嚟灣仔，搵間粥麵店食個lunch 先，在利東街附近，上網睇咗一陣，有間口味好似唔同，向前行好快到，就揀呢間！至尊松茸豬肉餃 跟狀元九鼎湯 $72最特色係有碟松茸醬比你點，8隻灼餃子，唔知晏d會唔會好快肚餓呢？！唔點醬d餃子比較淡口，點咗就好味d，餃子都漲卜卜，餡多，第1次食唔咁叫咁多住。狀元九鼎湯其實係睇住個湯叫餃子，原來睇漏咗，55蚊有10隻灼餃子，不過就無咗碟松茸醬，再散點碗湯20蚊，加埋只75蚊；講返個湯先，無咩鹹味，有材料原汁原味，會飲得出有魚、有粉葛、豆味，反而豬肉味就無咁重，原來唔加鹽湯都ok 的。