大滿喜日本料理 (已結業)

今日天氣異常咁熱，同朋友喺旺角行街，其實午餐一直都未諗食咩。。去完信和中心之後大家都覺得好肚餓，係毫無頭緒嘅情況底下，心諗不如食放題啦！因為咩都有連選擇嘅時間都慳返！我哋見到創興廣場有好多放題餐廳，今次就揀咗呢間試吓！一入到餐廳過咗前台位置，係放飲品同埋甜品仲有小食嘅區域！飲品有好多選擇，而且仲有低卡路里減肥人士都啱嘅烏龍茶。首先梗係要食刺身啦，呢度嘅刺身好靚，個人來講真係食三文魚同埋帶子，兩款都好新鮮！天婦羅有我最鍾意食嘅炸南瓜，超級趣博博，炸粉唔會太厚！正呢度最得意嘅係仲有炒聖子，味道都唔錯啊！而且甜品都有好多款式選擇！價錢亦都唔貴，將來行行吓街諗唔到食咩都可以再嚟！