文薈館餐廳 (已結業)

知道文薈館的存在好耐，但見之前的食評一般，所以無特登去幫襯。今日終於去試下它們的午餐來一探究竟！地方比想像中大同乾淨，店面明亮，一入門口有個大魚缸，養左好多熱帶魚。已經係9月尾但天花仲掛住聖誕裝飾，感覺好local,侍應服務殷勤有禮。全部午餐都只係$50元以下包餐湯同飲品，凍飲唔使加錢，星期一至五免收加一，抵食。它們亦提供商務午餐都只係$8x以下。2個人分別點了龍蝦汁焗海鮮意粉($49), 炸魚薯角($45), 一個紅湯同一個白湯，凍朱古力同凍檸茶。上菜快，跟湯的香草包好難食，唔香，有臭腳味，質地似鬆糕，試左一啖就放棄。羅宋湯，蔬菜太多，湯少，味道正常。忌廉吞拿魚湯ok但唔夠creamy。凍朱古力味道濃郁，好味！凍檸茶正常。龍蝦汁焗海鮮意粉唔好食，個汁有D苦味，海鮮係急凍貨，好似超市賣的雜錦海鮮包，有魷魚，魚肉，蝦仔，蜆。全部細過一毫子大，又無味。意粉煮法好港式，質地好淋。相反個炸魚薯角好有驚喜，份量好大，係一般餐廳的一倍，炸魚D粉唔厚，好脆但魚肉仲keep到水份唔會乾，薯角似kfc貨式，伴碟的薯仔沙律似一般的茶餐廳無特別，侍應忘了俾他他醬同茄汁，但一問就立即補上，仲有禮貌道歉！其實加