牛摩+ (沙田中心) (已結業)

今日有人堅持要午餐打邊爐，門口又要排隊，害我等到下午3點幾先有得食。午市套餐有係幾抵食嘅，平平地 $80 起已經有牛肉同任食 60 分鐘火鍋。牛肉份量好足，8 片大大片嘅（我試過有間食牛肉鍋成 $100 卻只得 4 小片牛）。其他食物係正常火鍋料，不過不失。唯一對佢嘅 wasabi 丸有少少意見，攻鼻得嚟味道亦怪怪的。另外飲品選擇都幾多，凍飲除咗汽水仲有沙冰。最近戒緊凍飲仲怕無嘢啱我飲，點知佢又有熱柚子茶，呢個真係唔錯，我欣賞！限時 60 分鐘任食，夠鐘都唔會趕我哋走（可能係人手唔太夠，而且旁邊都仲有好多空位），所以感覺又抵咗～ 哈