Grove Sandwiches (永樂街)

营业中

休息中

以前喺HKU返工，食過校園入面既Grove Cafe，印象中係價錢平，但質素普通。今日一個人食lunch，突然想食意粉，又唔想踏入索價過百既餐廳，就諗起呢度。lunch set有大約六款選擇，有意粉同湯通粉，可以單點或者叫餐，餐飲有熱朱古力！以自助形式點餐，然後拎個牌去搵位坐。我叫左燒烤大蘑菇配黃菌汁意粉，加熱朱古力。餐廳有個雜誌corner，我一路等食物一路睇，食物算係好快送到。燒烤大蘑菇配黃菌汁意粉既意粉夠al dente，醬汁係冇食過既味道，似蘑菇醬，有少少creamy，唔識形容。蘑菇係燒過既，好juicy，只加鹽同胡椒調味，突顯左蘑菇本身既味道。朱古力好香濃，我冇打開個杯蓋，所以食完意粉先飲都仍然夠熱，好好味呀，冬天飲一定會更正。食物味道唔錯，熱朱古力出色，加埋可以安靜咁睇下雜誌，係lunch放空既好地方。