Grove Sandwiches (永樂街)

見到嗰兩隻蛋都唔開胃，似壞蛋！以前，未加價前，雙蛋單面煎，蛋黃橙紅色，好新鮮的。現在.又貴咗！食物又無咁新鮮！份量又細份！差！唯一沒有改變的是，服務一直都好差！…查看更多

今日出開上環，偶然見到一間門面簡約清新嘅Cafe Grove，被佢健康又吸引嘅餐牌所吸引，就決定入去試下。店內環境舒適，尤其係下午茶時段去，人流唔多，可以靜靜地享受美食，坐得幾舒服👍今次我點咗佢哋嘅【慢煮辣雞胸．烤菠蘿．芝士美式卷】，因為係即整，所以個美式卷送上嚟嗰陣仲係熱辣辣，而且個餅皮仲脆脆地！好正！！個卷都好多餡好足料，雞胸配搭菠蘿同紅椒好夾，酸酸甜甜咁好開胃，而且辣味都恰到好處，即使我平時唔太食辣都接受到。本身以為佢細細份咁諗住會唔夠飽，點知佢又幾頂肚喎😂整體嚟講好健康，啱晒我呢啲減肥人士嚟食！！🤣🤣…查看更多

難得今日有啲時間，終於可以食返個下午茶，就去咗好耐冇幫襯嘅 Grove Sandwiches！分店好似啱啱裝修過，裝潢簡約清新，環境乾淨咗好多，坐落感覺都舒服咗，氣氛比以前更放鬆。呢個時段客人唔算多，一入去收銀姐姐就笑容滿面，好熱情咁問我想食啲咩。今次我揀咗「慢煮雞胸菠蘿美式卷」，啱啱整好熱辣辣，餡料夠哂爆滿，雞胸肉嫩滑唔鞋口，配埋菠蘿嘅微甜，味道好夾又清新。如果芝士可以做到拉絲效果就更正啦！整體嚟講，食物質素有驚喜，環境又舒服，真係一個唔錯嘅下午茶選擇，值得再嚟！…查看更多

7月23日，因為要去做針灸，等嘅期間坐低食啲嘢，等咗一陣先有位，上一手冇自己清理食完嘅餐盤，亦都冇見到有任何位置俾人放餐盤，我出去問職員，可唔可以幫手清理，佢哋嘅反應好似好驚訝好唔想幫忙咁，都算。。。叫嘢食嘅時候有位收銀嘅職員，着住藍色制服 短髮 ，態度已經唔係好友善，然後好似喝我咁問我飲咩，咁我就問佢有冇水啊，佢好驚訝咁問我，水？ 我話咁有冇支裝水啊？佢：個樣好衰咁樣指一指個雪櫃，我話有冇唔凍嘅？佢係直程睬都唔睬你，咁我就同媽咪講，唔緊要啦，我唔可以飲凍嘢，一陣去7–11買啦~:(然後呢位職員好大反應，佢話 你諗住過去對面買完過嚟我呢度啊？我話係呀我買支水得唔得？佢話梗係唔得啦，你買嘢過嚟呢度飲我俾杯水你啦！喺態度10分惡劣好似乞丐咁樣求你俾杯水我咁！然之後我就好嬲，我話其實我買支水啫，我食完嘢之後先去買都得你唔使咁嘅態度，佢話你喺邊度食嘢都唔可以帶外來嘅嘢㗎啦，我而家咪話俾杯水你囉！係 囉！ ！ ！ 拉長嚟囉我！都算，我忍你，唔俾帶外來嘅嘢都明白，但係隔離張枱咪又係擺支烏龍茶！我而家飲支水咋喎？ 唔係個個都想飲凍嘢㗎嘛！然後攞嘢食嘅時候，我就問有三款食物嘅卷有咩分別？我想知邊一隻係薄脆邊隻係烤卷，佢同我講意式咪意式美式咪美式囉，我即刻着咗燈，當場想鬧爆佢，你咁嘅服務態度嘅你係老細定係咩啊？真心嘢食唔係話好差，但係一朝早俾個咁嘅員工好影響食客全日嘅心情，依家我係入嚟消費啊，唔係入嚟收你氣，我大聲少少問佢咁有咩分別啊即係，呢啲人欺善怕惡，先至好聲氣少少解釋兩句。走嘅時候我問另外個同事呢位係收銀嗎？另外嘅同事表示佢係主管。，希望貴公司睇到呢篇評論，管理一下你哋嘅主管，真心因為呢一位主管我係一定唔會再去幫襯！…查看更多

去咗日本十日，食咗太多好西，個人負擔好重，所以去咗grove sandwich買外賣番公司食我買咗個慢煮雞胸配德國薯仔沙律，啲雞胸又唔會好鞋，再加埋薯仔同沙律菜，營養夠均衡…查看更多

以後絶對唔會再幫襯！响上環永樂街嘅Grove Sandwiches, 從2010年左右初開舖，一路間中都有去食，但今日重回舊地，已經唔係嗰回事⋯以前叫個肉醬意粉，會鋪滿一層真正的肉醬，入口真係食到碎肉⋯ 今日叫番相同嘅嘢，嗰個所謂嘅肉醬，稀到嗰個點係，剛嚟到，都未食，啲所謂“肉醬”已經唔見晒，原來沉晒向個底到，簡直唔可以用肉醬嚟形容，只可以叫佢做肉汁！就算要將貨就價，都唔係咁過份囉！一句講晒 - 垃圾！仲要唔平！仲衰過啲兜踎茶餐廳嘅水準，真係比錢我都唔會再去！…查看更多

11:50 在網上落單，話半個鐘就有。衹是簡單的凱撒雞肉墨西哥卷，再加一杯番茄湯。12:20 去到問有未，個收銀職員望兩望就唔再理我。然後發現佢哋做嘢亂咁嚟，邊個客嚟吹就做邊個客先。我冇催佢就唔跟單，最後要12:38 先至俾到我。離曬大譜。職員態度惡劣，連一句解釋道歉都沒有。不知道這間公司怎樣對職員作出培訓，就算客人有不滿的地方，他們也愛理不理，繼續扮沒有事，繼續扮有其他事要做。就算到最後一刻，把食物送上時快到亦一樣。…查看更多

岩岩轉左公司.係上環返工既我.真係要慢慢試下.睇下有咩好野食.最近天氣真係好熱.日日35度.無咩胃口.唔想食熱野.所以今日決定去食墨西哥卷🌮️-蜜糖芥末燒牛肉白蘑菇墨西哥卷🌮️加$18要埋鮮果乳酪杯幾開胃牛肉唔韌加埋芥末同蘑菇幾好食.仲有埋青瓜同埋紅蘿蔔絲.幾清新唔會好濟.加埋個凍既乳酪杯幾好!總結：今次係買返公司食.外賣等左6-7分鐘.唔算好耐都ok.但講真個墨西哥卷好細條!我食完完全唔夠飽.但個卷要hkd44食埋個乳酪杯先叫有少少感覺.成餐加埋hkd62.性價比唔高.如果早餐食可以.但當午餐太少.一定要叫返set lunch食意粉先夠飽!…查看更多

係附近見到呢間店，就上前去買，係冰箱裡面食物都新鮮,只是價錢都比較貴。但對於附近OL就係健康的恩物。沙律味道比較普通。三文治都比較普通。可能是放在冰箱裡，咬下去都比較硬，建議各位可以叫熱食的三文治比較好因為這家店是我住在酒店附近的餐廳，所以比較多機會去嘗試這家餐廳，但如貴公司能推出一些優惠給予附近的辦公室上班的,生意應該是源源不絕的，如果追追求健康的人士可以一試。但是不值得特登去食，因為這家餐廳喺香港都有很多分店。…查看更多

［Grove Sandwiches (永樂街) (上環)］地址：上環永樂街50號昌盛大廈地舖煙三文魚蜜糖芥末三文治 （半份$23）朝頭早想食個叫做豪華小小嘅早餐，呢份三文治係唔錯嘅選擇有煙三文魚😂，女仔細食啲食半份都夠早餐，返到公司重可以沖杯茶或者咖啡黎飲。…查看更多

前排食韓燒食得太多，成日食肉，想食返素少少，平衡一下。以為讀書既時候，胃口唔大，好鐘意係呢間買三文治就當一餐，已經好耐冇再食呢間嚕。今日經過，就叫左一份牛油果螺絲粉。牛油果切到好細粒，可能炒得過熟，有陣苦味。成個螺絲粉都油左啲，如果少啲油會好好多。…查看更多

每次經過上環必定永樂街Grove食野😄職員親切有禮，主打健康食物，無論各款沙律，濃湯，生果杯，果汁🍹各款意大利粉也非常好味👍👏🏻👏🏻👏🏻😋👉🏻尤其喜歡香草鮮蝦意粉、法蘭克福腸肉醬意粉🍝😻真的一試難忘❤️…查看更多

天氣越嚟越熱，有點沒有胃口吃東西，去了Grove Sandwiches，見到陳列架上有蜜桃蝦沙律三文治，感覺特別有蜜桃應該幾好食😋。材料有全麥麵包、沙拉醬、蟹子，生菜、蜜桃及急凍蟹肉，一口咬下去味道很奇怪，蜜桃應該是選用罐頭，加入了糖水泡針，嗰種甜是死甜，桃肉還算軟身，再配上蝦肉鹹鹹地感覺真的特別奇怪，但也不算難食。…查看更多

本人常來幫襯，極度鍾愛PS1 辣肉腸意粉，它有香濃的蕃茄醬及香蒜味道，我試過一星期連續2日午餐都買這個意粉，可想而知，我對這意粉有幾深刻印象。今日沒想到買外賣午餐有15% off 都満心歡喜，可是回去打開外賣盒令人真心生氣，原本是鋪満整盒意粉的肉腸只有一半分量？味道跟汁醬都可以減半？15% off 姐， 食物內容及味道都可以比平常50% off？味道很淡、也沒有平常的香濃蕃茄及香蒜味，完全失去這個意粉應有的特色，這樣點樣對得住熟客呢？良心又在那？…查看更多

Grove sandwiches主張新鮮、自然和健康，甫走進店內就能看到放置沙律，三文治和果汁我雪櫃，非常適合喜愛輕食的食客。如果不想吃飽肚感重的午餐，健康輕食也是不錯的選擇。…查看更多