八木橋日式燒肉

营业中

休息中

朋友新發現左一間任食燒肉係TOP，交通方便梗係要試下！我地lunch時間去，都幾full，即刻信心大增！朋友想食海鮮，所以我地點左「霞」set！呢幾日已經咁熱，一開始上既刺身盛和，已經覺得食慾大開，刺身品種夠多又可以無限order，正！我地基本可以任叫既牛肉都點曬，牛肉醬料有好多唔同選擇，可以滿足到我貪新鮮既心理！我覺得韓式辣醬牛肉味道好特別，唔會好辣！呢個set入面有海鮮，海鮮全部都好新鮮，份量啱啱好，食完最想encore既係比目魚西京燒，魚新鮮又厚肉，調味啱啱好！最後我見到塊M5和牛排，真係好大塊，好重牛肉味，入口唔會柴！場內大部分都係卡位，坐得好舒服，嘢飲選擇都好多。又知道多間正既任食燒肉，真好！