牛魔 (已結業)

平時都好少同朋友中午食燒肉，今日專登去咗尖沙咀棉登徑既牛魔試吓😋一入去就見到一大幅藝術壁畫好適合打卡，店入面裝修型格，主打日式高級燒肉，中間仲有個好似bar 台咁既座位可以睇到廚師切肉同煮嘢。今次叫左個澳洲和牛三盛定食，有澳洲和牛西冷3枚、澳洲和牛胸腹 3枚、澳洲和牛五花 3枚，仲有包埋白飯、昆布湯、醬料及沙律前菜🤩和牛啲油脂分布平均，牛味濃，肉質嫩口，加埋燒汁或者蒜蓉、鹽食又有唔同既風味😋😋個爐可以調教火力，燒得好唔好就睇大家功力啦😁豚湯海鮮泡飯啲湯好濃郁，配料方面有海蝦、蠔及青口等等，泡飯吸哂豚骨湯汁同海鮮啲精華，食落又飽肚又暖胃，冬天食一流👍🏻叫左兩杯特飲，一杯係鳳梨，一杯係巨峰提子，兩杯都有椰果可以咬下😋特飲又唔會太過甜，最啱一邊食燒肉一邊飲杯凍飲refresh下😋