牛極 (大全街) (已結業)

平日放假約唔到朋友仔陪我食Lunch，惟有自己平平地食下好西響屋企附近發現左呢間石燒牛，見佢d餐都幾抵，仲有得任飲湯+食沙律+飯，一於試試佢先。平日午市冇咩客人，靜靜地坐響度慢慢食都冇人趕，餐廳係用購票機落單，幾方便。我揀左牛柳180g，都只係$115，牛柳瘦肉比較多、脂肪少，因為係比較少運動到既部位，食落會比較嫩滑，而且幾有牛味，簡單地用鹽同黑椒調味都好夠。自己燒最正就係可以控制燒到幾成熟，七成熟肉質呈現粉紅色就最好食！個湯係牛肉羅宋湯，底果度都有幾多料，牛肉同蘿蔔都煮到好軟腍。沙律菜都算新鮮，可以揀用咩醬食。