Le Viet

营业中

休息中

之前嚟過幾次食飯，覺得幾抵食而質素亦唔錯，所以再約朋友嚟呢度食。午市套餐由$62元起包咖啡或茶，係高級商場入邊環境都唔錯，坐得舒服。咖喱牛腩撈檬牛腩份量多，亦有牛筋等，整體算好淋，咖喱唔會太辣一隻辣椒🌶️辣度左右。香茅燒豬頸肉撈檬亦有水準，撈檬酸甜汁用樽仔上幾得意，如果個樽大啲份量多啲會更加好。生牛肉湯河都唔錯。反而小食蔗蝦水準高，炸得香脆，蝦肉結實彈牙，甘蔗鮮甜多汁，水準之作。香芒糯米飯亦有泰式風格。最難得係升級特飲只要加$8就得，所以帶咗一杯越南滴漏咖啡，慢慢享受一下。