曜 (已結業)

今日嚟到銅鑼灣食日本嘢嚟到呢間今年年頭先新開嘅餐廳， 主打廚師發板同埋居酒屋嘅中間路線。餐廳裝修高額座位闊落， 我哋呢都係晏晝所以試咗佢午市御膳， a4和牛丼配黃金和牛油炒飯 同埋佢嘅總廚推介磯燒鮑魚蟹黃配烏冬。和牛丼特別之處係佢嘅飯底係用和牛嘅油炒成， 食落好香口， 和牛丼嘅醬汁亦唔會太鹹同太多令到所有配菜都無咗原先嘅味道， 提得出廚師有落心機去預備呢個menu。磯燒鮑魚好出色，入味得黎唔會太韌， 中保留到鮑魚嘅鮮味同埋入口彈牙。 烏冬係粗身闊條嘅非常特別， 配埋蟹王食啱啱好。配菜有茶碗蒸， 花膠凍 同埋鯛魚湯， 茶碗蒸最特別因為入面唔係用白果而係用栗子，比普通嘅更加香甜。