一門 (已結業)

今日lunchtime同兩個朋友特地去銅鑼灣覓食，實在受够中環昂貴又唔好食的餐廳。朋友建議一門，話午市比夜晚平好多，我地一于give it a try.我叫左燒鯖魚定食，朋友各叫燒牛肉和握壽司定食。燒牛肉和燒鯖魚定食附送前菜，味增湯，白飯；壽司定食有烏冬或蕎麥面選擇。我們另外再單點一個蟹肉玉子燒。個蟹肉玉子燒超好味超juicy，不愧爲一門的招牌。我的燒鯖魚也燒得恰到好處，塊魚皮好脆，唯獨燒牛肉感覺有點過澀，像幹炒牛河的牛肉。味道一流，但如果可以再便宜一點更好。