穴 (新城市廣場一期)

营业中

休息中

今日好開心，有人請食飯！嚟左沙田新城市嘅穴食日本菜，午餐嘅時候佢哋都有有好多set lunch，有D配搭都幾特別，好似兩個迷你飯再加串燒咁樣。今日就豪Ｄ，叫左一個北海刺身丼，同埋一個好豪華嘅串燒餐。北海刺身丼有帶子、三文魚子、三文魚、海膽，同埋就係我睇中佢有嘅長腳蟹肉。依度嘅刺身都唔錯，幾新鮮，海膽唔腥食得過，夾埋一齊當然就係非常好食啦，北海丼依個組合幾時都咁經典。另外好豪華嘅串燒餐，係有肉類有蔬菜。肉類就有雞翼、豚肉、牛脷、牛肉咁樣，仲有串燒白鱔。至於蔬菜，就有秋葵、翠玉瓜，同埋煙肉蔥卷，全部都係新鮮即叫即燒，所以都要等左一陣。唔好睇小佢剩係得幾串串燒咁，但其實份量加埋唔少，食落去都幾多。依度算係沙田少數比較正宗的日本料理，價錢都算正上，但都水準都有返咁上下。只係依度係半開放式，會嘈Ｄ，同埋係午市多人會坐得迫Ｄ。