掌門雞 (已結業)

好耐冇去荃灣了，今日舊同事休息，約我去荃灣食飯，餐廳舖頭名聽落非常之有氣勢，午餐嘅選擇亦都特別多。先叫咗一隻掌門烤雞，半隻份量足夠二人分享，雞肉烤得滑嫩，金黃色嘅雞皮冇咩油脂，就算冇醬料跟配都依然夠哂入味！除咗烤雞之外，亦都有海南雞、泰式風味等等嘅選擇。繼續食雞嘅菜式，所以點左雞肉漢堡配薯條，漢堡裏面係日式燒雞髀扒，咬落去非常多汁，而且燒汁非常惹味，熱辣辣嘅薯條亦都係即叫即炸！另外分別叫咗一個凱撒沙律同芒果黑糯米飯，凱撒沙律份量都唔少，特別鍾意佢嘅麵包糠，而芒果亦都好香甜，黑糯米做得煙靭，兩樣嘢加埋一齊都唔會話太甜。飲品方面簡單叫咗一杯檸檬茶同焦糖咖啡，不過不失，而且呢個晏晝真係食得多口味之餘，亦都相當夠飽！