極尚大瀛喜日本料理

营业中

休息中

今日中午同媽咪去觀塘食放題！呢間放題超正，午市放題價錢比晚市抵好多，而且仲可以食足三個鐘，超抵玩！場內有超多唔同嘅榴槤食物，媽咪鍾意到不得了！刺身類選擇好豐富，甜蝦、赤蝦、榮螺、北海道帶子、赤貝、象拔蚌同埋泰式凍鮑魚應有盡有，兩款蝦同帶子新鮮到爆，仲有好多創意壽司，海膽手卷任食超抵！最近推出嘅油鹽焗膏蟹，真係重點推介，蟹膏豐腴，香到不得了！除咗壽司同魚生，蒜蓉燒生蠔、脆皮乳鴿、紅酒鵝肝、天婦羅、蟹黃鮑魚粥同牛肉鍋都可以任食。甜品區更有日本限定嘅Häagen-Dazs、movenpick雪糕雪條，仲有好多芝士蛋糕同布甸，甜品控絕對唔可以錯過！