影片
更多
2021-02-17
11818 浏览
間唔中會同老公食好D, 今日有公公婆婆幫手湊孫, 老公揀左呢間定位高檔創新, 帶點西餐廳裝潢的中菜館, 我覺得卅二公館可以話係中菜界既fine dining。卅二公館裝修高雅別緻, 但老實講二人座位頗為狹窄, 跟隔離座位的客人係並肩而坐, 不甚舒適。還有一點想特別講下既係卅二公館的侍應人手充足, 係有一點點過分充足既嗰種, 會有種比人監視住你食野既感覺, 幸好員工服務還算親切有禮(除左SELL我地飲酒, 我地唔飲, 明顯露出失望表情仲問點解唔飲, 同埋我地離開時, 門口剛好有兩三個員工經過都無講一句BYE BYE或多謝)。我地點左黑豚肉松露鵪鶉蛋燒賣, 魚湯四寶泡飯, 蜂巢芋盒, 軟殼蟹腸粉同胡椒餅。黑豚肉松露鵪鶉蛋燒賣 - 呢道絕對係功夫菜, 燒賣裡面竟然釀左一粒流心鵪鶉蛋。黑豚肉新鮮彈牙, 口感軟滑juicy。蜂巢芋盒 - 鍾意食芋頭既我當然唔可以錯過。唔知有無人同我一樣覺得好多時食蜂巢芋盒都會有陣壓味, 阿摩尼亞既味道, 唔太討好。而卅二公館既蜂巢芋盒就做得好好, 幾乎沒有這個味道。啖啖芋頭香, 口感綿密。軟殼蟹腸粉同胡椒餅 - 真心覺得卅二公館既油炸類點心做得非常出色, 放耐
卅二公館裝修高雅別緻, 但老實講二人座位頗為狹窄, 跟隔離座位的客人係並肩而坐, 不甚舒適。
還有一點想特別講下既係卅二公館的侍應人手充足, 係有一點點過分充足既嗰種, 會有種比人監視住你食野既感覺, 幸好員工服務還算親切有禮(除左SELL我地飲酒, 我地唔飲, 明顯露出失望表情仲問點解唔飲, 同埋我地離開時, 門口剛好有兩三個員工經過都無講一句BYE BYE或多謝)。
我地點左黑豚肉松露鵪鶉蛋燒賣, 魚湯四寶泡飯, 蜂巢芋盒, 軟殼蟹腸粉同胡椒餅。
黑豚肉松露鵪鶉蛋燒賣 - 呢道絕對係功夫菜, 燒賣裡面竟然釀左一粒流心鵪鶉蛋。黑豚肉新鮮彈牙, 口感軟滑juicy。
蜂巢芋盒 - 鍾意食芋頭既我當然唔可以錯過。唔知有無人同我一樣覺得好多時食蜂巢芋盒都會有陣壓味, 阿摩尼亞既味道, 唔太討好。而卅二公館既蜂巢芋盒就做得好好, 幾乎沒有這個味道。啖啖芋頭香, 口感綿密。
軟殼蟹腸粉同胡椒餅 - 真心覺得卅二公館既油炸類點心做得非常出色, 放耐左凍左都依然酥脆, 一D都唔油腻, 醬汁亦無同脆脆部份混為一體, 依然乾爽。
魚湯四寶泡飯 - 普通, 飲唔到魚湯既味道, 配料份量少, 只係見到幾粒蝦仔, 其他無印象, 湯份量也不多, 飯好多。
對卅二公館整體感覺係廚師制作點心的技巧專業上乘, 但可惜用料略嫌不夠大方, 例如軟殼蟹只食個炸粉同個殼, 胡椒餅層麵皮同內餡比例也不平均, 泡飯更是令人失望。
张贴
