千両 (名店坊)

营业中

休息中

新年前實在食得太多團年飯，同家人、公司、朋友聚舊。另外亦都預算到年初一至四會不停咁相聚、相聚 大拆一餐，所以今日呢個lunch，要停一停，呌一呌，一定要揀個清啲嘅黎享受，於是揀咗千襾！ 叫咗個$108嘅set lunch，有壽司拼盤，麵豉湯同埋咖啡。嘩，係一碟好新鮮嘅壽司呀，好美味！真係好好嘅一個年三十lunch。 首先要讚下佢嘅鰻魚同三文魚， 你絕對感覺得到碳燒味，使得魚生質感更厚重， 肉質好嫩好新鮮，鰻魚汁既鮮甜又好味； 吞拿魚嘅做法好得意，係有輕輕嘅辣椒放上去，令到魚生味更突出；吞拿魚係鮮甜口感 ，牡丹蝦大件又juicy ；紫菜小卷分別係蟹柳同埋帶子，小小的細卷一d都唔馬虎，放上小小黑魚子，貴氣多了；麵豉湯香濃之餘唔太鹹，裏面仲放咗好多粒日本菇！ 好有心思！