自從畢業後無黎過就去懷緬下，因為當時係學生趕食lunch快食無問架哈哈，啲大佬唔會話我地，而當時既炒蛋係好味既十年後既今日特登黎食又真係無晒自由行無左條人龍，直入門口哥仔語氣禮貌又真係好似好左，入面仲有幾多吉枱⋯⋯非常時期佢地俾我一人坐一張小小的四方枱（食過就知有幾小小的），枱上仲有酒精搓手液會唔會貼心咗啲🤣
早餐時間坐低都唔使諗啦即叫炒蛋多士，雖然想食牛通，不過有早餐就食早餐～其實比起以前佢無咁好食個蛋無左奶香，通粉正常，多士厚脆既，一邊食心想食完加個鮮奶燉蛋白，點知哥仔無花花俾個呀姐搭枱⋯⋯隔離係仲有啲吉枱架⋯⋯攪到我要加速快食唔叫甜品喇⋯⋯（其中一個我十年唔黎原因係人大左胃頂唔順快食）
到出去俾錢唔覺入面侍應細心禮貌左喎，咪又係咁
