S2 Kitchen (已搬遷) 新店位置

今日同朋友去到大館，諗住食埋飯先返屋企，喺OpenRice見到呢間餐廳，位置大概喺擺花街同埋石板街，不過就比較難搵啦， 我哋都大概搵左差唔多10分鐘先搵到 。一入到去店面係細細地嘅，比較似日本溫馨家庭式餐廳咁，我哋坐咗吧枱位，可以睇住師傅整嘢食。叫咗個10層嘅海膽杯 $398 , 估唔到真係好多海膽，入邊有黑松露啦魚子啦三文魚啦仲有唔同嘅魚生最底果一層係海草。師傅建議我哋第一啖落肚一定要食咗海膽杯先，要試吓佢哋嘅鮮味。之後我幾鍾意食佢哋嘅芝士年糕，出邊食嘅芝士年糕通常都係炸既，呢間嘅芝士年糕唔知係用焗定係烘，感覺上比較健康。麵粉嘅味道加埋芝士食唔停口。牛舌心都唔錯，師傅仲同我地講牛舌心嘅話比起普通牛舌會嫩口啲。另外都叫咗個牛肉壽起燒，不過牛肉嘅質素唔算係好靚嘅牛肉，湯底豆腐同埋啲薯粉都OK。