影片
更多
2022-06-27
239 浏览
今日黎到呢間The Oyster House，發覺佢唔止生蠔好食，其他菜色都各有千秋。生蠔我地分左日本Tomo，法國Lambert，法國Krystal，由淡至濃味就係Tomo，Lambert，最後Krystal。Tomo有清甜既感覺，海水味都唔太重；Lambert既蠔肉味道會比較突出，少少咸；Krystal既海水味最重，感覺最鮮。冷盤要羽衣甘藍南瓜藜麥沙律。羽衣甘藍好新鮮，略帶澀味，但配合有酸酸地既醬汁，加埋合桃同藜麥，就會覺得好開胃，南瓜都好食，軟硬適中。再黎一個前菜烤日本帶子配野菌木魚絲。木魚絲既份量控制得剛剛好，唔會完全搶哂帶子既味道，個汁本身又帶得到帶子既鮮味出黎，十分唔錯。湯分別係有鮮蠔濃湯，同埋黑松露野菌忌廉湯。蠔湯真係好重蠔味，對於鍾意食蠔既我真係超級滿足，而黑松露湯雖然冇蠔湯咁重味，但其實都好濃郁既。麵包唔係平時果Ｄ圓麵包，有Ｄ似蛋糕咁，不過食落唔會好甜，點湯食都幾好。如果湯只係可以揀一款我會揀鮮蠔濃湯。係時候要撐下個胃，主菜要左個香烤原隻去骨法國春雞，另外加左個鮮海膽米型意粉。雖然話係去骨但佢都會留返雞鎚同雞翼部位既骨既，而成隻雞烤得好好，外皮有少少燶係最引起食慾既，
生蠔我地分左日本Tomo，法國Lambert，法國Krystal，由淡至濃味就係Tomo，Lambert，最後Krystal。Tomo有清甜既感覺，海水味都唔太重；Lambert既蠔肉味道會比較突出，少少咸；Krystal既海水味最重，感覺最鮮。
冷盤要羽衣甘藍南瓜藜麥沙律。羽衣甘藍好新鮮，略帶澀味，但配合有酸酸地既醬汁，加埋合桃同藜麥，就會覺得好開胃，南瓜都好食，軟硬適中。
再黎一個前菜烤日本帶子配野菌木魚絲。木魚絲既份量控制得剛剛好，唔會完全搶哂帶子既味道，個汁本身又帶得到帶子既鮮味出黎，十分唔錯。
湯分別係有鮮蠔濃湯，同埋黑松露野菌忌廉湯。蠔湯真係好重蠔味，對於鍾意食蠔既我真係超級滿足，而黑松露湯雖然冇蠔湯咁重味，但其實都好濃郁既。麵包唔係平時果Ｄ圓麵包，有Ｄ似蛋糕咁，不過食落唔會好甜，點湯食都幾好。如果湯只係可以揀一款我會揀鮮蠔濃湯。
係時候要撐下個胃，主菜要左個香烤原隻去骨法國春雞，另外加左個鮮海膽米型意粉。雖然話係去骨但佢都會留返雞鎚同雞翼部位既骨既，而成隻雞烤得好好，外皮有少少燶係最引起食慾既，個汁都好好味，而雞肉嫩滑就更加唔使講，就算係胸肉位都唔會乾。
海膽米型意粉非常特別，有Ｄ似意大利飯，但實則上佢係粉麵既口感，粒粒皆軟滑，加埋海膽既鮮甜味道，真係好享受。
最後甜品要左個呢度既招牌香蕉拖肥批。香蕉配合忌廉同既餅底，果然非常配合，而且size唔係細細年兩啖就冇哂果Ｄ，真心要試！
张贴
