黑木亭居酒屋 (金馬倫道)

1. 完全冇秩序，冇安排

預約9:00 去到已經排晒，但係店員完全冇安排冇反應冇分類，邊啲係Walk in邊啲係預約完全冇分。有啲人係直接衝入去。跟住問返佢，佢話先登記先入。啲人就戇居居喺度排俾人打尖。亂到不堪。最尾9:20先入到去，但係留意佢係照收11點，因為佢遲令你食少咗時間佢係唔會補返時間俾你完全不知所謂。

2. 空間狹窄，人手不足

由排隊樓梯，到現場環境行人通道完全逼到阿媽都唔認得，跟住交枱嘅時候根本亂到七彩，行出去嗰啲自助盤完全冇人fill 空既。

3. 食物質素普通

刺身等左半個鐘先到。跟住食到嘅炸物係微暖嘅，食幾轉先食到啲熱嘅。吞拿魚同埋海膽嘅質素都唔係特別出色係有一啲串燒叫做特別啲。

勸大家都係去返大牌子，唔好浪費時間喺呢間嘢度