十八夢

营业中

休息中

今日同好姊妹黎銅鑼灣行街，午餐時間就黎到十八夢試下，呢度裝修夠靚，食物夠質素，最重要氣氛好好，岩晒我地girls talk！我地叫佐兩款lunch set，兩個都有前菜，湯，沙律跟埋，仲有飲品添🤭主菜我就簡佐米蘭比吉打伊比利亞豬肩柳🐷豬肩柳脂肪含量少，肉中無筋腍滑，煎香佐既豬肉仍然好柔嫩，肉質好好，配上烤薯椰菜花一齊食，好香好惹味，點埋自製醬汁就味道更突出😙另一個主菜就係蒲燒鰻魚定食🍱食得出鰻魚係用傳統方法去燒，反覆燒佐幾次，油脂香味完全迫出，同時醬汁融入鰻魚之中，魚肉又軟腍腍無骨，定食既另一主角白飯用上珍珠米，香濃軟綿，一邊食一邊飲埋麵豉湯就至正😌