八月居 (海港城) (已結業)

燒味拼盤有海同叉燒。叉燒都幾入味,肉質軟身,咬落去多汁,唔太咸,甜度適中,。海皇菜茸羹,入面都幾多魚肚係入面,蛋花都煮都幾靚,唔會話一舊舊蛋痴埋,個羹夠傑身,味道就係標準清魚湯咁。花膠時蔬係一個菜苗,花膠唔呃秤,成碟都係花膠,味道唔腥,膠質十足,厚薄適中。菜苗就冇乜野好講,因為都係菜一碟。清蒸花尾躉,蒸得岩岩好,4個人份量岩岩好上湯大花蝦,平時食開多數係芝士底,其實上湯底都一樣好食。蝦肉質都算實。八月居甜品比起其他中菜館更加有心,呢個焦糖布甸個焦度剛好,布甸似食緊葡撻咁心咁,少量焦味,好正。