影片
更多
2017-01-15
903 浏览
同老婆經過，雖然見到有超過100人排隊，但都唔理啦，因為之前已經講左話想試，決定俾次機會佢，排左1個鐘，終於入到去。叫左：臘腸排骨飯臘鴨牛肉飯細蠔餅通菜由於排隊時已經可以落單，所以坐低左後，好快就有煲仔飯食。一揭開飯煲蓋，就知道出事。賣相極差，餸同飯貌似互不相干，好似純粹將啲餸煮好，再放到白飯上面咁，難道加一點葱花或辣椒點綴一下都咁難？而且飯係一啲香味都冇，一個好嘅煲仔飯係一打開蓋，就有飯香飄過黎。「色」同「香」欠奉，惟有寄望「味」。試下個排骨，點知又出事。一啲味都冇，好明顯係冇醃過，感覺係純粹將一堆蛋白質放入口。試下個臘腸，咬落去竟然係又硬又脆，肥豬肉分佈係好唔平均，肥肉亦完全冇融化嘅感覺，明顯係下價貨，有冇搞錯？算。我就當個臘腸排骨飯係唔小心失左手，去試下個臘鴨牛肉飯，臘鴨味道算ok，亦幫你切埋，都算貼心。但個牛肉真係唔掂，俾得3片牛肉我都算喇，但可唔可以加少少調味呢？一啲味都冇，而且又un，明顯係overcook左，好似食緊橡筋咁（可能橡筋仲有味過舊牛肉）。omg。飯，又係一個敗北，一啲飯香都冇，飯焦少得可憐。一路食一路揾飯焦，最後揾到少少飯焦，果刻感覺好似係沙漠折騰左幾日後，終
叫左：
臘腸排骨飯
臘鴨牛肉飯
細蠔餅
通菜
由於排隊時已經可以落單，所以坐低左後，好快就有煲仔飯食。一揭開飯煲蓋，就知道出事。賣相極差，餸同飯貌似互不相干，好似純粹將啲餸煮好，再放到白飯上面咁，難道加一點葱花或辣椒點綴一下都咁難？而且飯係一啲香味都冇，一個好嘅煲仔飯係一打開蓋，就有飯香飄過黎。「色」同「香」欠奉，惟有寄望「味」。
臘腸排骨飯
41 浏览
0 赞好
0 留言
臘鴨牛肉飯
87 浏览
0 赞好
0 留言
飯，又係一個敗北，一啲飯香都冇，飯焦少得可憐。一路食一路揾飯焦，最後揾到少少飯焦，果刻感覺好似係沙漠折騰左幾日後，終於揾到水源咁，但只係得一杯水，好過冇的感覺。飯粒尚算乾身，未至於去到部分師兄所說嘅蒸飯咁濕，但一定唔算係煮得好嘅飯。
蠔餅正常，用鴨蛋煎得幾香，算係食得落。相比之下，個通菜真係令我喜出望外，因為佢係咁多碟野入面最好味果碟，相信係因為要煮衰一碟通菜，的確係好高難度。
食完出門口，見到仲係好多人排隊，真係感到匪夷所思。覺得浪費左人生嘅1個鐘去排隊，以後唔會再做傻事。個人認為大X活嘅煲仔飯仲好味，起碼人地有飯焦先。
呢間野真係一試難忘，再試陣亡。
（估唔到呢間野可以令我特登開個account去寫食評）
张贴
