影片
更多
2019-05-28
76 浏览
差唔多隔左半年冇食omakase，今日朋友就book咗一間係灣仔新開嘅鮨店，聽聞水準唔錯，有d期望～前菜三小碟；由果茄食起，真係好似水果一樣咁甜，又不失蕃茄酸味；自制湯葉，豆味好突出，而且口感柔滑；最後有時令既黑棓螺～自製腌蘿蔔，竟然帶有清新嘅柚子味，非常開胃～北海道真蠔，睇住師傅即場開，手掌咁大隻，唔會太重海水味但係非常鮮甜～白魚，其實係白飯魚bb，第一次食，口感好特別，味就鮮得黎帶小小甘～白蝦，係全世界最細嘅蝦，青檸帶黎一抹清新，師傅配上酒盜既做法為白蝦添上鹹鮮味，同白蝦意外地夾～燒帶子夾海膽，本身見着師傅燒帶子嘅時候已經聞到好香，再加少少海膽落去，嗰種鮮甜味真係喺口入邊爆炸～汁煮鮑魚，食鮑魚之前我先試咗舊蘿蔔，非常入味，味道真係唔比鮑魚差，鮑魚煮嘅時間啱啱好，軟身得黎仲充滿彈性，同樣煮得好入味～深海八爪魚，處理得比我想像中好，完全煮到淋曬，咬落每一淡都有八爪魚嘅鮮甜味～鮟鱇魚肝，之前試過其他omakase都會serve呢樣野，但做得好真係好少見～處理得唔好既食落去會好漏，所以一般黎講都會用黎配清酒食～今次呢度大大嚿咁serve一開始見到都真係有啲驚，但食入口時非常有驚喜，口感細膩
前菜三小碟；由果茄食起，真係好似水果一樣咁甜，又不失蕃茄酸味；自制湯葉，豆味好突出，而且口感柔滑；最後有時令既黑棓螺～
自製腌蘿蔔，竟然帶有清新嘅柚子味，非常開胃～
北海道真蠔，睇住師傅即場開，手掌咁大隻，唔會太重海水味但係非常鮮甜～
白魚，其實係白飯魚bb，第一次食，口感好特別，味就鮮得黎帶小小甘～
白蝦，係全世界最細嘅蝦，青檸帶黎一抹清新，師傅配上酒盜既做法為白蝦添上鹹鮮味，同白蝦意外地夾～
燒帶子夾海膽，本身見着師傅燒帶子嘅時候已經聞到好香，再加少少海膽落去，嗰種鮮甜味真係喺口入邊爆炸～
汁煮鮑魚，食鮑魚之前我先試咗舊蘿蔔，非常入味，味道真係唔比鮑魚差，鮑魚煮嘅時間啱啱好，軟身得黎仲充滿彈性，同樣煮得好入味～
深海八爪魚，處理得比我想像中好，完全煮到淋曬，咬落每一淡都有八爪魚嘅鮮甜味～
鮟鱇魚肝，之前試過其他omakase都會serve呢樣野，但做得好真係好少見～處理得唔好既食落去會好漏，所以一般黎講都會用黎配清酒食～
今次呢度大大嚿咁serve一開始見到都真係有啲驚，但食入口時非常有驚喜，口感細膩柔軟，味道濃而不膩，甚至可以形容係清爽，食晒成舊都意猶未盡～
刺身方面，夏天既深海池魚同伊佐木都食落清爽，脂肪含量適中，魚身有彈性；赤貝好爽脆，好新鮮同鮮甜～
壽司由淡入濃，依次序有金目鯛、石鯛、金線鯛、右口魚邊、鳥貝、牡丹蝦、拖羅、馬冀海膽杯同右口魚邊手卷。每款都好出色，魚料處理得好好。大路既海膽同拖羅味道自然係毋庸置疑，但值得一提既係右口魚邊，佢既油香同柔軟度毫不遜色於拖羅，一放入口就同酢飯係口入邊融化牡丹蝦加上燒過既蝦膏，甘甜度極高，令我回味無窮；鳥貝係第一次嘗試，serve個時仲係度扭動緊，極新鮮，食落肉厚又鮮甜。
鯛魚湯，聽師傅講落咗八種唔同嘅鯛魚熬製，十碗水換一碗湯，飲落充滿鯛魚嘅鮮甜味～
甜品係自家製豆腐雪糕，非常鍾意因為佢唔會太甜又充滿豆香～
今餐絕對係大滿足既一餐，未食完已經決定要同朋友再黎過～
张贴
