影片
更多
2022-10-21
135 浏览
這間位於北角嘅鮨宏，裝潢簡約，有濃厚嘅日本氛圍，只有壽司吧檯位，所以每次能容納嘅人數不多，但每位都能欣賞師傅所做嘅菜式。呢度嘅食材都喺由日本直送，食材新鮮優質，師傅亦用心製作，令不少嘅客人都會再三光顧，呢次有幸可以一試佢哋嘅午市Omakase。自家醃製漬物漬物種類非常豐富，全部自家醃製，無限添加，可以不時沖洗口腔中嘅味道。前菜公魚甘露煮：係一款助酒小食，魚經過香炸，令其變得酥脆，加埋秘製醬汁煮，味道變得香甜。刺身鮟康魚肝：用上嚟自北海道嘅新鮮鮟康魚肝，師傅用慢煮嘅方法去煮，魚肝變得更狗綿密，而橙色嘅油脂令魚肝增添咸香嘅風味。秋刀魚秋天時令嘅海鮮，其中之一就係秋刀魚。師傅以精湛嘅刀工，即場將秋刀魚同埋紫蘇葉以秋葉形態呈現喺我哋眼前，擺盤極為精緻。配埋薑汁醬油，魚味更加突出。味噌燒蠔平時喺出面omakase食蠔大多都只會比靚嘅生蠔，但呢度佢哋會用秘製嘅雞蛋味噌，配搭嚟覺北海道嘅蠔，蠔本身嘅口感經已好Creamy，加埋有雞蛋味噌同埋嚟去燒過，更加突出蠔本身鮮甜。磯煮八爪魚呢次用嚟磯煮嘅八爪魚名為石爪，本身口感較韌，所以師傅會同八爪魚按摩一小時，再將其慢煮三小時，令八爪魚口感軟腍，又夠入味。磯
這間位於北角嘅鮨宏，裝潢簡約，有濃厚嘅日本氛圍，只有壽司吧檯位，所以每次能容納嘅人數不多，但每位都能欣賞師傅所做嘅菜式。呢度嘅食材都喺由日本直送，食材新鮮優質，師傅亦用心製作，令不少嘅客人都會再三光顧，呢次有幸可以一試佢哋嘅午市Omakase。
自家醃製漬物
漬物種類非常豐富，全部自家醃製，無限添加，可以不時沖洗口腔中嘅味道。
前菜
公魚甘露煮：係一款助酒小食，魚經過香炸，令其變得酥脆，加埋秘製醬汁煮，味道變得香甜。
刺身
鮟康魚肝：
用上嚟自北海道嘅新鮮鮟康魚肝，師傅用慢煮嘅方法去煮，魚肝變得更狗綿密，而橙色嘅油脂令魚肝增添咸香嘅風味。
秋刀魚
秋天時令嘅海鮮，其中之一就係秋刀魚。師傅以精湛嘅刀工，即場將秋刀魚同埋紫蘇葉以秋葉形態呈現喺我哋眼前，擺盤極為精緻。配埋薑汁醬油，魚味更加突出。
味噌燒蠔
平時喺出面omakase食蠔大多都只會比靚嘅生蠔，但呢度佢哋會用秘製嘅雞蛋味噌，配搭嚟覺北海道嘅蠔，蠔本身嘅口感經已好Creamy，加埋有雞蛋味噌同埋嚟去燒過，更加突出蠔本身鮮甜。
磯煮八爪魚
呢次用嚟磯煮嘅八爪魚名為石爪，本身口感較韌，所以師傅會同八爪魚按摩一小時，再將其慢煮三小時，令八爪魚口感軟腍，又夠入味。
磯煮鮑魚配肝醬拌飯
鮑魚用低溫方式烹煮，令鮑魚口感彈牙，亦都好入味，再加埋鮑魚肝醬拌飯，令到鮑魚味更加濃郁。
茶碗蒸
作為同壽司之間嘅過場，茶碗蒸味道較清淡，可以洗滌口中殘留之前菜式嘅味道，亦能暖一暖胃。
壽司
真鯛
鯛魚中嘅一款，係高級嘅白身魚，有透明感嘅魚肉，油脂適中，鮮爽十足，配埋微酸嘅壽司飯，口感絕佳。
黑鯥
魚本身較細條，纖維亦都較細較幼，會更加肥美，用火炙處理，變得更加脆口，魚肉更嫩滑。
甜蝦
肉質嫩滑彈牙，鮮甜味美，仲帶有海水嘅鹹鮮，令鮮甜味更加突出。
金目鯛
經過火炙將魚皮燒至香脆之餘，更能逼出魚油嘅油香，而魚肉肉質細膩，味道鮮味，甘甜肥美，每一口都帶有濃郁嘅大海之味。
大拖羅
師傅特意將其熟成10日，令原本較韌多筋嘅魚肉變得軟腍，做到入口即化嘅口感，魚嘅油脂較多，油香四溢，令人一食上癮。
鰤魚
鰤魚係秋冬開始當造嘅魚之一，佢哋剛開始肥美，所以食到魚肉同魚脂均勻嘅鰤魚，遲啲就只能食到較濃魚脂香味嘅鰤魚。
活帶子
帶子嚟自北海道，師傅細心將其表面切成一條條絲狀，令口感更加爽滑，鮮甜嘅味道會更易融於口腔之中。
活貝寄貝
師傅做完壽司之後貝寄貝仍然會郁，證明係好新鮮，而且師傅會拍一拍北寄貝，可以激活細胞，令口感經已爽脆嘅肉質變得更加好。
禾稈草燒鯖魚
喺出面日式居酒屋經常都見到燒鯖魚，呢度都有，不過佢哋用日本嚟嘅禾稈草嚟燒，仲要即場燒製，將鯖魚燒至五成熟，做到皮脆肉嫩，仲帶有陣陣禾稈草獨特嘅味道，能消除魚肉嘅腥味，用香脆嘅紫菜包住一齊食，口感變得更加豐富。
海膽
海膽份量好多，師傅好慷慨，口感綿滑，入口即化嘅口感，鮮甜味美，用香脆嘅紫菜包住一齊食，兩種口感嘅反差，令人食得更加滋味。
玉子燒
師傅即場燒製玉子燒，有六層之多，蛋香味香濃，口感嫩滑，味道香甜可口。
赤味噌魚湯
味噌同魚嘅鮮味好夾，令個湯更加鮮甜。
自家製豆腐芝士餅
紅豆水晶凍
兩款甜品都係師傅自家製，芝士餅無出面嘅咁甜，而紅豆水晶凍係用咗自家製嘅梅酒去整，所以有梅酒獨有嘅酸味，變得更加清爽嘅感覺。
张贴
