影片
更多
2023-10-16
506 浏览
最近有朋友去完北角匯試咗間法國米芝蓮介一星嘅西餐廳話好正🤤，今日同閨蜜嚟開北角就去試試先。 餐廳以大雲石裝修，低調高貴，令人可以喺舒適嘅環境下用餐。店內設有室內和露天座位，露天座位可以飽覽維港景色，不過可惜當日露天位已經滿座。 我哋揀咗兩個set dinner，每個set有1個starter、1個main course、1杯餐茶☕️，另外可以加$58有個是日精選甜品🍰。 頭盤方面揀咗個西班牙八爪魚薯仔沙律🥗，沙律菜新鮮爽脆，八爪魚新鮮彈牙🐙，薯仔同沙律菜吸收晒八爪魚嘅鮮味，味道更為提升。 另外我哋加咗$48試咗個比較特別嘅前菜-法式鵝肝焦糖燉蛋配田園沙律，鵝肝醬好香，表面係微微燒焦嘅焦糖燉蛋，鹹甜交替，口感幼滑，將佢搽落香脆嘅法式脆多士度食，非常配合。 西班牙紅蝦意粉🦐，職員介紹嘅新款菜式，紅蝦大大隻，色澤亮麗，味道極致濃郁鹹鮮，精華盡在蝦頭，蝦膏香濃甘甜，惹味十足，將蝦汁同蝦膏混入意粉，味道更是鮮上加鮮，意粉亦煙韌彈牙🍝。 香煎海鱸魚配蜆肉忌廉汁：海鱸魚煎得皮脆肉嫩滑 ，完全沒有腥味，蜆肉忌廉汁唔會太過膩，加上清淡嘅鱸魚上，味道更提升，伴碟有紅椒、蘆筍、翠玉瓜，令賣相更加吸引。 餐茶方
最近有朋友去完北角匯試咗間法國米芝蓮介一星嘅西餐廳話好正🤤，今日同閨蜜嚟開北角就去試試先。
餐廳以大雲石裝修，低調高貴，令人可以喺舒適嘅環境下用餐。店內設有室內和露天座位，露天座位可以飽覽維港景色，不過可惜當日露天位已經滿座。
我哋揀咗兩個set dinner，每個set有1個starter、1個main course、1杯餐茶☕️，另外可以加$58有個是日精選甜品🍰。
頭盤方面揀咗個西班牙八爪魚薯仔沙律🥗，沙律菜新鮮爽脆，八爪魚新鮮彈牙🐙，薯仔同沙律菜吸收晒八爪魚嘅鮮味，味道更為提升。
另外我哋加咗$48試咗個比較特別嘅前菜-法式鵝肝焦糖燉蛋配田園沙律，鵝肝醬好香，表面係微微燒焦嘅焦糖燉蛋，鹹甜交替，口感幼滑，將佢搽落香脆嘅法式脆多士度食，非常配合。
西班牙紅蝦意粉🦐，職員介紹嘅新款菜式，紅蝦大大隻，色澤亮麗，味道極致濃郁鹹鮮，精華盡在蝦頭，蝦膏香濃甘甜，惹味十足，將蝦汁同蝦膏混入意粉，味道更是鮮上加鮮，意粉亦煙韌彈牙🍝。
香煎海鱸魚配蜆肉忌廉汁：海鱸魚煎得皮脆肉嫩滑 ，完全沒有腥味，蜆肉忌廉汁唔會太過膩，加上清淡嘅鱸魚上，味道更提升，伴碟有紅椒、蘆筍、翠玉瓜，令賣相更加吸引。
餐茶方面揀咗凍檸茶同熱檸水。
张贴
