金鶴拉麵 (和富道) (已結業)

今日難得到北角，依度真係好多特色小店，其中一間係我最愛既拉麵店，就係”金鶴拉麵店”,佢地既拉麵真係好有水準。套餐好抵食$128起，仲有5款拉麵揀，包埋小食飲品，仲可以加錢食其他款拉麵。牆身仲有一幅好靚既畫，令成個環境upgrade晒。佢地d麵即叫即煮，如果叫外賣既話，d麵會再幫你過一過冷河，保持麵質既質感。今次叫左佢地既招牌“金鶴雞白湯拉麵”，我問佢點解d湯白色，佢地話d湯係好多隻雞拗出黎既精華。所以好甜，料個份量都好足。燒黑豚肉串：燒得好有心機，剛剛好，唔會好韌，好濃豬肉味，肥瘦適中，必食。明太子雞翼：入面塞滿晒明太子，好飽滿，外皮燒得好香脆，入面充滿晒肉汁。依家疫情下，冇晒堂食，只可以外賣，仲做緊正餐牌8折優惠，真係超級抵食。佢地仲有儲分制，多食多送，密密食說密密送。臨走時見到佢地大大個宣傳牌賣鰻魚定食，應該都係佢地主打，下次一定要試埋。另外有樣野一定要提，就係店員個服務態度，超級好，好細心，餐牌上既食物都好用心介紹，由於佢地既食物都係即叫即做，係等既期間，佢仲問我要唔要飲佢地既麥茶。真係好貼心。